Сайты школ г.о. Саранск

Сайты школ Рузаевского района РМ

Список школ

Конкурсная работа №24 - вне конкурса


РЕГЛАМЕНТ КОНКУРСА ЧЛЕНЫ ЖЮРИ ПРИЗЕРЫ КОНКУРСА ФОТОГАЛЕРЕЯ ПАРТНЕРЫ КОНКУРСА


Тонавтыцянь пинге

Чаткина Мария, 7 класс

Номинация: Моя школа

Жанр: Рассказ

Руководитель работы: Косолапова Вера Павловна

МОУ "Дубенская СОШ", Дубенский район

Весе удыть. Ансяк сон а уды.
Ашти арсезь …
Г.Агейкин.

Мезе улевель масторлангсонть, а улиндерявольть школат? Тень а стака чарькодемс. Минь весе велявтовлинек се шкантень, зярдо кияк эзь сода сермас, эзь машто ловномо, арасельть а книгат, а радиот, а телевиденият. Интернеттэ ды мультимедиянь установкадо кортамскак а мезть – сындест ёвкссояк кияк эзь марсе.

А мезть кортамс, школав апак яка ды апак тонавтне минь те шкас аволинек лисе се чоподастонть, кодамосо ульнесть покштянок-бабанок. Секс модамасторов эряви сюконямс сеть ломантненень, кить максыть тенек валдонть, ильтить эйсэнек виде ки лангов. Весе минь ютатано сынст кедьга, тонавтнетяно пельдест аволь ансяк сермас содамо ды ловномо, тонавтнетяно эрямо, стакачинь цидярдомо. Теде миненек а эряви стувтнемс зярдояк.

Мария Сергеевна Зорькина сеть ломантнень ютксо, кинь эрямост а явовиксстэ сюлмавозь школанть марто. Арази ловновить, зяро эйкакшт сон тонавтсь сёрмадомо, ловномо, тиринь моданть вечкеме! Ней уш васенце тонавтницянзо нуцькаст чиить школав. А зярдо-бути (маряви, аволь умокак) сынст сырькаест-покштяст виздезь, пелезь ютасть школань поровтонть трокс. Ды пелемась сеске ёмиль, зярдо сынст вастылинзе Мария Сергеевна.

Мария Сергеевна чачсь ды эри Дубенка велесэ.Дубенка веледе башка седе малавикс ды вечкевикс тарка арась. Одсто, школань прядомадо мейле максокшнось эстензэ вал, свал важодемс эсь тиринь велесэнзэ. Васняяк важодсь «Большевик» колхозонь фермасо скалонь потявтыцякс. Фермасо важодсь кавто иеть.

1960-це иень кизэстэнть сонензэ фермас сась школань директорось И.В.Ревакшин. Сон кортась од тейтеренть марто, штобу молевель важодеме начальной классонь эйкакшонь тонавтыцякс. Ды истя 1960-це иень сундерьковсто Мария Сергеевна ушодызе тонавтыцянь тевенть.

А пек сэрей, елганя рунго, черензэ комолякс пуртнезь, сельмензэ цитнить, прок раужо лёмзёрт. Чевте мизолксонзо неезь, ёмиль талномась эйкакшсонть. Классонть ульнесть комсь кавксово тонавтниця. Мария Сергеевна свал ледстни васенце тонавтницянзо. Сынст марто сон ушодсь школасо важодеме, варчизе тонавтыцянь васенце стакачитнень, васенце кецямотнень. Од тонавтыцясь весе оймензэ макссь эйкакштнэнень, сыньгак пандсть теньсэ жо.

1964-це иестэ Мария Сергеевна заочна тонавтни Мордовской государственной университетэнь филологической факультетсэ. Тонавтнесь кото иеть, те шкане эзизе кадно эсензэ вечкевикс тевензэ. Тонавтницятнень васенце классто саезь пачтинзе кеменце классос. Весе сынь стясть виде ки лангс.

Конат эйстэст важодить тонавтыцякс, инженерэкс, механизаторокс, врачокс.

Мария Сергеевна, кода меревельть ученойтне, словесник. Сон ветясь рузонь ды эрзянь урокт. Эряви меремс, неть кавто кельтне сонзэ лангс путсть покштояк покш канст. Эрьва келесь мазый ды сюпав эсензэ койсэ. Секс аламо содамс (сехте пек тонавтыцятненень), эряви чарькодемс сынст мазычинть ды маштомс пачтямс тень эйкакштнэнень. Ламо иень перть тонавтома тевенть ветямсто Мария Сергеевна редизе: ков седе парсте эйкакшось содасы чачома келенть, тов седе шождасто изнявить тензэ лия предметнэ.

Мария Сергеевна 36 иеть важодсь школасо. Казезель ламо Шнамонь коневсо. Сонензэ максозь «Ветеран труда» ды «Мордовиянь заслуженной тонавтыцянь» лемтне.

Кортнеманть прядомга Мария Сергеевна арсесь тень кеме шумбрачи, уцяска, эрямс ояксчисэ. Ды зярдояк илязо уле война.

Ней уш а сермады уроконь плант велень тонавтыцясь Мария Сергеевна. Сеедьстэ совси тензэ почтань кандтницясь. Сонензэ эрьва ендо сыть сермат, телеграммат. А стувтнить сонзэ тонавтницянзо, сакшныть эрьва иестэ инжекс. А стяко кортыть «Тонавтыцясь эри тонавтницянзо мельсэ ды тевсэ».


Источник: Schoolrm.ru

Просмотров: 2036


Проголосовало: 
Рейтинг: 

Возврат к списку

  

Из жизни школ

Аллея славы